Rauthla ram
By Fakna Hlantute
A saw raltiang romei chhum zinna piah ram saw,
Mi thianghimte lenna ram a ni;
Aw,kei pawh chu hmun thleng turin min sawm e,
Damlai thlan thim hi ka pelh hunah.
Ka leng ve ang a,leng der derin, Chung thangvan mawina parfung chawitu aia engin;
Tlantu kiangah ka vul ve ang.
A khi chung thangvan sang rial rumna piah ram khi,
Mi thianghlimte lenna ram a ni;
Rinna vanga pasaltha ram nuam thleng tawh ten,
Lo kai ve la, rauthla ramah hian.
Ka leng ve ang a,leng der derin, Chung thangvan mawina parfung chawitu aia engin;
Tlantu kiangah ka vul ve ang.
He lei hi zawng lungngaih,buai leh natna ram chauh,
Thihna te'n thla zarna ram a ni;
Salem laitual ka thlen hunin,
Ka khualzin kawng hmangaih Lalpan min chawlh tir tawh ang.
Ka nghakhlel mang e,chu hun tur chu, Lenrual lungduh tapa inthen hnu intawkkhawmin;
Tlantu kiangah kan chawl za ang.
Hawh u,Lalpa hnen thleng turin, Damlai ni hian thinlung silhfen thar inbel ang u;
In puante mai pawt thler lo vin,
In thinlung kha sual leh bawlhhlawh zawng kalsan rawh se.
A lo kal leh dawn min hruai turin,
A ropuina athuam famkim sinin, Haleluia!Inpeih lote inpeih a hun ta.
Ka nghakhlel mang e,chu hun tur chu, Lenrual lungduh tapa inthen hnu intawkkhawmin;
Tlantu kiangah kan chawl za ang.
